Toysdaily 玩具日報

 找回密碼
 註冊
樓主: Vince

[新品消息] Pose+ 新品 集中區:銀河烈風,戰國魔神,天威勇士,銀河旋風

[複製鏈接] |關注本帖
發表於 19-10-2020 09:34:12 來自手機 | 顯示全部樓層
本帖最後由 西環老妖2 於 19-10-2020 09:38 AM 編輯

玩玩具啫,唔同意有師兄講到再版好似皇恩浩蕩咁,用炒價嚟對比DX更係錯焦點,點解師兄會話佢賣得狗?!係因為廠商第一水都錯判驚賣得唔好出少左貨,咁係無可口非,後來見炒起好賣再版亦合情理,唯獨佢咁賣真係好狗,如果你覺炒起左想賣貴啲我係同意,即使再版加500至1000都可以,但你要人硬食啲多餘嘢就係衰格……就算笨大再版加價都唔敢唔改嘢直出要整R版嘞,點可以用炒價去講成送隻基地?!仲有咩叫再版,唔使開發,成套嘢現成響度,你話人工材料貴左可以加價,始終係講佢賣嘅方法啫。
發表於 19-10-2020 11:46:31 來自手機 | 顯示全部樓層
本帖最後由 玩具Joe 於 19-10-2020 12:28 PM 編輯

如果見好賣再版加$500至$1000個人真係接受唔到囉!依家轉Boxset出只是銷售手法上一種綽頭,亦為再版物品帶來一D新意,雖然未必個個鍾意個隻"雀",其實可以整個配對平台俾想要基地同唔想要基地既人,又或者想買基地既可以唔駛訂住,因為到時應該會有唔小人拆售,總之各取所需,都係個句,買唔買決定權係消費者手上。
發表於 19-10-2020 15:08:10 | 顯示全部樓層
其實到目前為止,官方都未有講過呢次係再版......以商品編號計係 P+02B 同 P+02DX。

同意Joe大所講,買唔買決定權係消費者手上,當初唔買同這次買唔買都係自己決定,用「狗、硬食、衰格」呢D用字真係好奇怪。

例如玩具店同Bandai攞某貨,Bandai要玩具店食其他死貨,呢D先叫硬食。又,如果Bandai開過一水貨俾玩具店,玩具店怕唔好賣唔入貨,到其他店熱賣後佢先想入返貨,第一批賣晒,第二批只有DX版,咁玩具店應該覺得Bandai「狗、硬食、衰格」? 當然呢間玩具店仍然可以咁諗,唔想硬食咁咪等佢真正「再版」P+02囉。

又話唔定將來有改色版電鍍仲靚呢。玩玩具不嬲未到最後都未知邊種決定最正確。

發表於 19-10-2020 15:49:39 | 顯示全部樓層
P+02DX前例.....P+04 DX麗娜版或.....版可以期待一下
發表於 19-10-2020 19:37:48 來自手機 | 顯示全部樓層
本帖最後由 西環老妖2 於 19-10-2020 07:43 PM 編輯

其實即係最後又係呢句:唔鍾意咪唔好買囉…咁討論嚟做乜?!我覺得批評佢同買唔買係兩回事,但現今好似如果你鬧就唔好買,其實兩者有咩關係?只係講佢銷售手法,並冇批評件玩具,我都話第一水買唔到我個人唔介意比多幾佰,正所謂千金難買心頭好,但比得唔順唔通淨係可以比人話唔順氣就唔好買?!我相信之前講呢句嘢嘅師兄,對人對事唔通未遇過呢啲谷氣情況,係咪豁達到乜都講一句自已攞嚟?!係就恭喜哂。
發表於 19-10-2020 22:24:39 | 顯示全部樓層
空想一下.....

假設P+04出DX套裝的話
麗娜一個未夠份量
定價方面也不會定太高
能獨立發售
這樣充當DX包
還會有甚麼材料呢?


提案一:+功夫漢兄長?
巨人賈度士?
提案二:+功夫漢戰甲+人型功夫漢兄長+麗娜
提案三:+廸標撒旦六人眾


另一個銀河旋風
如果出DX套裝
可以加甚麼呢?

可以期待一下



發表於 19-10-2020 22:27:44 來自手機 | 顯示全部樓層
本帖最後由 玩具Joe 於 19-10-2020 10:32 PM 編輯

純粹分享個人感受同經歷,無意冒犯任何c兄,自己當初都好想買銀河烈風,但又担心成品出來會有未可預知既質量問題,所以最後都無訂到,結果之後就市面嚴重缺貨而導致價格上升,這時我只怪自己當初無大胆D落訂,因而錯過了購買良機。依家見到再推售本來係一件好事,但自己又唔想要多隻大"雀",因為覺得好似無乜特別野玩,而且又佔相當空間,只有再次打消購買念頭……可能人老了,無左以前個種執著和唔開心,買唔到都用不著勞氣,我相信有關公司都會睇到部份消費者對是次銷售方式既意見而作出檢討既,最後祝願大家買到自己喜歡既玩具!
發表於 20-10-2020 04:07:13 | 顯示全部樓層
西環老妖2 發表於 19-10-2020 09:34 AM
玩玩具啫,唔同意有師兄講到再版好似皇恩浩蕩咁,用炒價嚟對比DX更係錯焦點,點解師兄會話佢賣得狗?!係因為 ...

笨大再版又真係有冇改野直出, 之後先再整多個R版.
發表於 20-10-2020 08:16:59 | 顯示全部樓層
我咁睇
本次DX套裝雖然未標明再販
但都可以視為再販的銷售策略
比買家有驚喜收大雀移動基地
P+桌頭?我有所保留

綑綁大雀手法如果視為完全版
似乎又欠缺五位主角figure
呢點唔成立

開設DX套裝送大雀的舉動是為保部份大雀銷量
是P+保險做法
DX成為先例
以後出過的商品都有機會DX啦
只要作為DX的條件是配件如果夠份量出的話....

大雀日本方面應該幾受落

P+銷售手法
消費者絶對有權受與唔受囉


本次DX套裝如果用限定模式出會唔會大家受落d?

發表於 21-10-2020 10:00:09 | 顯示全部樓層
本帖最後由 redfish 於 21-10-2020 02:46 PM 編輯

其實POSE+幾時講過永不再販, 唔喜歡BOXSET咪唔好買住, 只要POSE+唔倒閉總有機會
現在P+02市價炒過3000, P+02DX訂價3000有找, 畀我係POSE+, 都暫時唔會再販P+02住, 因為一定唔少玩家要人唔要雀
在只想買主体的玩家立場, P+02炒價仲貴過訂BOXSET, 正常都會選擇BOXSET
在POSE+立場, 賣BOXSET一定賺得多過再販主体, 暫時只出BOXSET完全合乎公司利益

雀有另外單售, 所以不存在想買雀而要食BOXSET的問題

點評

Totally agree with this analysist. Most fair, most reasonable, and makes the most sense from P+ point of view with overseeing the market. Thanks for voicing out : ) (TWO Thumbs up!)  發表於 22-10-2020 06:09 PM
發表於 21-10-2020 12:07:16 | 顯示全部樓層
咁我又唔明, 有興趣買基地的朋友, 會去訂, 如果想入機械人既, 又未必會想要埋基地, 總唔會有只想入基地而唔要機械人的罷, 有也只會係小量人氏...當然唔可以排除有強迫証人仕會SET網入以示支持...不過POST+又真係無話過唔會再版, 玩具既野都係等長命, 本人又未睇過套卡通, 對我而高銀行旋風只係一套傳說而又有印象的動畫的說, 所以無咁大衝擊, 當然我連天威都無打算入, 勇者王就睇價錢, 不過連天威都OVER3千, 勇者王5000應該有好大機會, 因為以合體計, 勇者王要顧及平衡真係俾天威難, 又咁講, 如果一盒玩具OVER2500, 我就上黎睇各位師兄開箱, 睇左當買左, 反正買左我又唔會DISPLAY, 都係合一次就收埋的說!
發表於 23-10-2020 15:03:20 | 顯示全部樓層
本帖最後由 stonekeung01 於 23-10-2020 08:06 PM 編輯

775.jpg





 樓主| 發表於 3 天前 | 顯示全部樓層
POSE+METAL系列 P+05 太空小五義 哥頓 CM 發布


https://youtu.be/jqBBl0JRZT8

您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 1-11-2020 01:03 AM , Processed in 0.024589 second(s), 18 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表